أبراج اليوم الاثنين 10 غشت
توقعات برج الحمل اليوم الاثنين 10 اغسطس 2020
الحمل ♈
مهنياً:عم يشغلك المال بين دفع وقبض ومصايف وعزائم .. محتاج دعم معنوي او مالي عندك ثقة بنفس وعم تدرس امور مهنية جديدة او عقد جديد يحسن من وضعك المالي .. لا تأجل شي واستغل الفرص المهمة بشغلك .. ممكن تشغلك امور مالية وبدك دعم مالي لتبلش بهاشي ظبط حساباتك وضبلي ايدك شوي وفرصة لتقبض مال من عمل اخر او اتعاب او مكافئة فكون جاهز للعمل مقابل المال ..
عاطفياً:المرتبط في حيرة عندك وقرار مهم بس بدي منك لا تعب قلبك وتصرف بعقل .. عم يحاول الشريك يبقيك تحت سيطرتو او تقبل الواقع كما هو او عم يحاول ينهي الوضع لكن بدو هاشي يطلع منك .. هدي وروق لان كلشي قابل للحل وممكن تشهد علاقتك تحسن رغم مو راضي عن الوضع ومافي شخص المناسب الي يفهم عليك .. ممكن ارتباط بهاليوم للبعض او اذا كان في زعل لتصلح الوضع او حب قديم عم يتقرب وشكلك عم تعاتب أو عم تلوم ..
صحياً:سبق وكان عندك تحذيرات صحية واذا ماكنت متجنبها نتبه توقع بوعكة صحية متعبة ..
❤غنيتك❤اليوم:والله كتير شتقتلك ..حسام جنيد
توقعات برج الثور اليوم الاثنين 10 اغسطس 2020
الثور ♉
مهنياً: صح القمر ببرجك بس بحاجة لانتباه .. بعد تعب كبير انت اليوم افضل بالحظ وطاقة عم تحل مشاكل تعبتك وعم تنتصر على بعض المعوقات وناس السلبية بحياتك بس هاشي بدو يكون بحذر وبدون مجاذفة .. يوم للحركة لتنقل وعم تفكر بسفر .. اسلوبك جيد واثق من حالك وفي لقاءات واتصالات ممكن تحملك خبر حلو وفيك تدخل بشغل جديد او شراكة ودعم ومصالحات وتسويات مرضية الك وعلاقات اجتماعية حلوة تفائل بهاليوم واجواء ولمة حلوة ..
عاطفياً:لا تفكر بلي راح وركز ع وضعك وع المستجدات الي ممكن تصير .. حافظ على ردة فعلك لانك بيوم مميز وحليان وجذاب بكلشي الحظ بساعدك اذا عندك مشكلة او اذا في زعل من الشريك عم يصير صلحة .. يوم حلو لتطور علاقتك وترتاح اخيراً من تعب الي رافقك بالفترة الأخيرة ممكن لقاء كمان واتصالات طويلة وكلام حلو بيومك وبلاخص الاعزب لارتباط واعجاب واحساس جديد او شخص من الماضي ..
صحياً:شوية اضطرابات لا تعب حالك وخود فيتامينات ونشالله امورك يومين وبتبلش تتحسن منيح ..
❤غنيتك❤اليوم:طقي ياحبات توت…وفيق حبيب
توقعات برج الجوزاء اليوم الاثنين 10 اغسطس 2020
الجوزاء ♊
مهنياً:يوم روتيني بحاجة للهدوء وعدم تسرع ولا تاخد اي قرار مهم والبعض قصص قضائية او ادارية ولا تعمل مشاكل مع مسؤول او شريك .. عم تحس انو حقوقك ضائعة وفي نفاق من بعض الاشخاص حاول تنتبه منن ..لا تعطي ثقتك لمين ماكان وركز منيح وعيد حساباتك من جديد بلاخص بعلاقاتك ..وقصة حدا من اهلك بتشغلك يمكن تكون قضائية ونتبه للحوادث اوالاعطال بسيارة او موبايل ..
عاطفياً:بتحس حدا عم يستغلك ومافي اهتمام ..
عندك عتب ولوم واهمال من قبل الشريك وماعم يقدر لا حبك ولا عاطفتك حاول لا كتير تسمع لكلام ناس ولا ترد على حدا بلاخص انت ماعم تقدر تخبي مشاعرك
قوي قلبك ولا تتردد و عبر عن كلشي جواتك .. حاول قدر الامكان تكون هادي وبكلمتين حلوين لامور بتصير افضل ..
صحياً:نتبه من العصبية وبلاخص اذا عامل عملية ..
وضعك بيتحسن صحياً بس خفف توتر وعصبية.
❤غنيتك❤اليوم:كل مابتشرق شمس نهار .. وائل كفوري
توقعات برج السرطان اليوم الاثنين 10 اغسطس 2020
السرطان ♋
مهنياً: عندك لقاءات وناس الك زمان ماشفتا ورفقات ومحبين .. عم تفكر بمشروع جديد او حابب تدخل بأجواء عمل جديدة او بدك تحسن من امور شراكتك اذا عندك شراكة مع حدا وممكن سفرة قصيرة اذا ناوي .. في صرف مالي اليوم ع امور شخصية ومستلزمات او عزائم والبعض ممكن هاليومين يجي مال او صفقة وعقد جديد او قصة قضائية نتبه وكون حذر هاليومين وممكن قصة اطفال بتشغلك .
عاطفياً:استغل هاليوم الحلو لتكون جذاب وساحر بحضورك وبأناقتك هاشي بزيد لاعجاب وبسلط ضوء عليك من الجنس الاخر .. حاول اليوم تعطي الشريك اهتمامك ولا تبعد عنو بأمور ليست بالمهمة وفرصة لتتقرب منو وتهتم في مشان ترجع عاطفتك والعلاقة لمكانها صحيح واجواء حلوة بتعيشها بهاليوم .. وفي حدا بيدعمك بقصة عاطفية او بحلول او صلحة وانا برأيي شوية تنازل افضل ..
صحياً:نتبه من خمول او وعكة بسبب شمس وحاول ترفه عن نفسك بهاليوم .
❤غنيتك❤اليوم:عندك هواية..ملحم زين
توقعات برج الاسد اليوم الاثنين 10 اغسطس 2020
الأسد ♌
مهنياً: قصص بشغلك وبيتك وانت طبعك عصبي ومنرفز .. حاول تهدي لتوصل لشيء لبدك ياه حتى تتيسر امورك وتخفف عنك بعض ضغوط والمشاكل .. لا تتهاون بأعمالك في عندك فرصة حلوة لشغل جديد او مكان جديد استغل هالفترة ولا تتكاسل وخليك متفائل بنتائج .. يوم بدو حسم وخلص الاعمال الموكلة اليك حتى ماتسبب مشكلة بشغلك او مع حدا مقرب وبتزيد علاقاتك وشعبيتك الاجتماعية ..
عاطفياً:بعد عن امور عم تعبك واذا في شي من الماضي طلعو من راسك وفكر بيومك حتى اي نقاش مع شريك كون حذر من هاشي ولا كتير تلمح بكلامك لان ممكن تتسبب بسوء تفاهم او انت ماعم توصل فكرتك صح .. عيد حساباتك بعرف شريك متعبك وانت كتير عم تنزعج من هاشي حاول ترجع الوضع متل ماكان ولا تكابر وعترف بأخطائك .. في لقاء واتصال طويل او مشوار لوضع مانو سيء حاول تتمتع بيومك والبعض ممكن حدث مهم ومفاجئ بارتباط او خطبة قريباً ..
صحياً:نتبه من تناول المنبهات والمشروبات الغازية وطاقة وحافظ على الوقاية من اي مرض هالفترة ..
❤غنبتك❤ اليوم:الواعد واعد…حسين ديك..
توقعات برج العذراء اليوم الاثنين 10 اغسطس 2020
العذراء ♍
مهنياً:بعد تعب وامور معقدة ومسؤوليات ومابتعرف شو تعمل او مين بدك تراضي الفلك ببشرك بامور كتير حلوة قريباً .. وضعك منيحة اليوم لتحقق نجاح بشغلك وبأختباراتك وبتتلقى أخبار حلوة والحظ بساعدك وبكون معك .. ناس جديد او غريبة وبعض صدف عم تصير بيومك وفيك تسافر سفرة او تطلع مشوار .. اتصالات بتكتر وانت منيح لاتخاف على مستقبلك وظروف ملائمة لشغل وعمل او شراكة او للاطفال.
عاطفياً:حاول تساير وتكون متعاون في سبيل ايجاد حلول للعلاقة او اذا في امر تاني ضمن البيت لتلقي حل وتقبل نقد لان في صراحة بهاليوم .. أستغل جاذبيتك وسحرك ويومك حلو لتحسن امورك وتسمع اخبار حلوة وشخص عم يضل ببالك وتواصل مع شخص قديم عم يكبر ..لاعزب ناطرك فرصة حلوة وممكن البعض يفكر بخطبة ..
صحياً:عم تعاني تعب بالعضلات لان عم تكون مشغول حاول تشتغل شغلك وبس ..
❤غنيتك❤اليوم:لا قدراني فل ولا قدراني ابقا فيروز
توقعات برج الميزان اليوم الاثنين 10 اغسطس 2020
الميزان ♎
مهنياً: يوم ايجابي وبشكل تدريجي امورك بتتحسن وبخف توتر .. في مستجدات واحداث كتيرة بيومك عم تفتح صفحة جديدة عم تعيد حساباتك وعم توصل لحلول لمشاكل وفرصة لتحسن امورك المالية ولاجتماعية والعائلية وعزايم ولقاءات واتصالات مميزة وبتحقق نجاح مهني وشوية التزامات بدك تسددها وضبلي ايدك ع مصاريفك كمان .. والبعض قصة قضائية او ادارية عندك وممكن بخصوص مال..
عاطفياً:من الايام الي بتكون فيها جذاب والعين عليك وكلام حلو بتسمع وفرصة لحب ومصالحة وتقارب ..
لا تكون مزاجي ومتقلب بتعاملك مع الشريك وخليك ثابت برأيك وخليك متل العادة بتعاملك معو حاول تستغل دعم الحظ الك لتعمل نوع من تقارب وتواصل وتزيد منسوب العاطفي بعد توتر الي صار بالفترة الاخيرة .. تجنب اي توتر بهاليوم لأنك بحاجة لحدا يفهم عليك تفائل بلايام الي جاي وبلاخص الاعزب ناطرك شي حلو قريباً ..
صحياً:بحاجة لراحة هالفترة وبلاخص النفسية لتطلع من الوضع وضغوطات..
❤غنيتك❤اليوم:شتقتلك قد دني…رامي عياش
توقعات برج العقرب اليوم الاثنين 10 اغسطس 2020
العقرب ♏
مهنياً:مسؤوليات وجهد وطاقة ونتبه من اي توتر .. عيد حساباتك بهاليوم ونظم امورك وأستغل الفرص الأيجابية لتكون منيح .. عم تلاقي تحسن بأمورك بس ممكن تتعرض لشوية عراقيل لا تستسلم مشان تكون امورك لقدام افضل .. لفلك بيدعمك بما يخص الشراكات او لتناقش بأمور مهمة او قصص قضائية وقانونية وشراكات بتشغلك او لتدخل شراكة جديدة ..
عاطفياً:المتزوج عم تتعرض لضغط من الشريك وكون جاهز لاي نقاش ولاي رد وفكر بمستقبلك وكون مقنع ومنطقي بيومك حتى ماتكبر القصة كتير لان يوم بكون مساعد بس بدو شوية هدوء ودبلوماسية .. الاعزب والغير متزوج اموره افضل وممكن فرصة لتم شراكة او خطبة قريباً وتكون امورك افضل فترة مميزة مقبل عليها نشالله وشراكات جديدة ولقاءات وتطورات على غير العادة ..
صحياً:لا تهمل صحتك واي عارض لازم تشوف طبيب او اخصائي.
❤غنيتك ❤اليوم:بغمرا وبوسا .. رصين اسمر
توقعات برج القوس اليوم الاثنين 10 اغسطس 2020
القوس ♐
مهنياً:شغل ومسؤوليات وقصص مالية بتشغلك ..
يومك متقلب في تأخير بس مالازم تتردد يمكن مضغوط او يمكن عم تفكر كتير وممكن تتلقى اكثر من عرض بهاليوم وعم يكون عندك لقاءات وهاشي عم يتعبك قصص ومواضيع كتيرة بيومك لازم كتير تنظم امورك وقتك لتحط حد الها ولتعرف كيف ممكن تتعامل بيوم في مسؤوليات وضغط ونشالله امورك بتتحسن وبتلاقي دعم ومساعدة وبلاخص بامور الشغل والمال في قادم الايام ولقاء بشخص مهم ..
عاطفياً: متاعب وعراقيل بعلاقتك وعم تكون مو طايق شي ابدا ولا مرتاح والوحدة عم تقتلك من جواتك هاشي عم يخليك عصبي وماعم تتحمل الشريك وعم تبتعد عنو هدي قبل ماتكبر القصة ويتفاقم الوضع اكتر .. صلح علاقتك بشريك افضل الك مهما كان حولك معجبين ..انسى الماضي وفكر بحالك اكتر ومستقبلك العاطفي ..
صحياً:متوتر ومضغوط نتيجة الأوضاع الي مو مرتحلها نفسياً حاول تريح حالك جسدياً وفكرياً حتى ماتدخل بوضع صحي والبعض بتبلش صحتك تصير افضل ..
❤غنيتك ❤اليوم:ياعمري هيك كتير..أذينة العلي.
توقعات برج الجدي اليوم الاثنين 10 اغسطس 2020
الجدي ♑
مهنياً:دعم وحظ وطاقة وامورك افضل من قبل فايق بكير وبراسك قصص كتير وعم تشتغل باكتر من شي وبدك ترتب امورك بشكل جيد لتوصل وتنجح وتخلص هاليوم او على الاقل لترتاح شوي من ضغوط ولتعمل تغييرات وتهتم بحالك وبحدا مقرب .. تحسن مهني ومالي وبتتخلص من مشاكل تعبتك كتير وبتعيش اوقات حلوة ولقاءات مميزة واتصالات كتيرة ممكن تقبض مال وتنقلات ومصاريف والبعض عم يفكر بنقل وقصص انجاب للبعض ..
عاطفياً:يوم حلو وتطورات عاطفية حلوة رغم ضغط والقلق الي جواتك انت كتير جذاب وفيك تبادر لتتقرب من الشريك او يصير مصالحة او ترجع لشريك قديم ..
الاعزب عندو اعجاب وجاذبية من قبل شخص ممكن في مصارحة وتجاوب بيومك .. العلاقات العابرة وسرية قد لا تصل احياناً الي شيء المطلوب فحاول لا تعطي اهتمامك بعلاقات لن تجدي نفعاً وتبحث عن علاقة مناسبة الك على الاقل شريك يفهم عليك وتفهم عليه وماتسبب الك مشاكل بلايام الي جاي يوم عاطفي وشغف وحميمية عم تكبر ..
صحياً:بحاجة لدعم ومساندة نفسياً لتتجاوزة ازمة تعبتك على صعيد صحي ريح حالك ونتبه من تحريك الاشياء ثقيلة ومشاكل الظهر والاغلبية اموره تمام .
❤غنيتك ❤اليوم:حدي خليك…جورج طحان..
توقعات برج الدلو اليوم الاثنين 10 اغسطس 2020
الدلو ♒
مهنياً: لاتتصرف بشكل طائش وغير مسؤول بلاخص بالوضع العائلي او بشغل او خبر عم يتأجل كون حذر وحاول تحل القصص الي ممكن تطرأ بهاليوم ..بعرف الخطوة الاخيرة ناقصة عندك بحاجة لحلول بديلة وسريعة او ناس تكون خرج تعتمد عليها .. لا تفقد الارادة وتصميم لحتى توصل وتنجح وعيش الأجواء بلمة حلوة وعائلية او مشوار ومع هيك مابدي الوضع يتوتر مع حدا مقرب او من ضمن العيلة ..
عاطفياً:مو ناقصك تعب وهدي بلا مشاكل وبلاخص القلب وضعو مكركب ومحتار شو بدو ..عيش الحاضر ولا تلتفت لورا انت تعبت من الخيانة والغدر وما حدا بيستاهل ..بنصحك تتريث ولا تتسرع بأمور الارتباط ولا تاخد اي قرار ترجع تندم عليه … حسن علاقتك الحالية اذا مرتبط واذا مانك مرتبط أبحث عن شريك يكون بيفهمك ويقدر وضعك ويوقف معك بأصعب ظروف والفرصة مواتية لارتباط او على الأقل اعجاب بشخص مبدئي ..
صحياً:بينصحك تعمل فحوصات دورية او اذا في اعراض قديمة ممكن ترجع ..
❤غنيتك❤اليوم:خدني…مروان خوري
توقعات برج الحوت اليوم الاثنين 10 اغسطس 2020
الحوت ♓
مهنياً:عم تتحرر من بعض القيود وحلول لمشاكل بلاخص الي تأجلت من فترة او كان فيها عرقلة لترجع وتكون لصالحك .. عندك نشاط وحركة وممكن تحقق انجاز بيومك يعني ممكن مقبل على شي مهم او عمل جديد رتب امورك وظبط وضعك لتتجاوز هالامور بسهولة وتخلص المطلوب منك .. لقاءات واتصالات جديدة وسفرة قصيرة اذا ناوي وحركة بيع وشراء واختبار او امتحان ونتبه من الحوادث والاعطال ..
عاطفياً:عناد وتحدي وتكبير راس بدك تهدي بيومك ولا تكبر الامور .. مابنصحك بنقاشات معو وبعد عن اي مواجهة .. فرصة اليوم لتحسن الوضع وتكون احسن بعد ضغوط كتيرة بعلاقتك لا تخلي المشاكل ترجع من جديد بترتاح وبتكون احسن نشالله وفترة بكون عندك ارتباط وممكن يطور بوقت قصير لشي افضل .
صحياً:ممكن كريب بيومك حاول تقاوم مشاكلك صحية بهاليوم ولا تستهان بأي عارض او من انتقال عدوى.
❤غنيتك ❤اليوم:مين مزعلها…ايمن زبيب