أبراج اليوم الجمعة 28 غشت

في ضغط بشغلك وبالبيت وحتى صحيا..
ماعم تكون مرتاح وخاصة انو ببالك كتير قصص وعم تحس بانك ضايج من تعامل البعض مع وخاصة المسؤولين والاب بالبيت لكن ماتخاف فترة وبتمرق واهم شي تهدي وتبعد عن اي مشكلة بالبيت وانتبه لصحتك ..
❤عاطفيا .. كتير ضغط والفترة الحالية عم تحطك بوضع ماكتير منيح وخاصة اذا الشريك عم يستفزك بتصرفاتو ..

توقعات برج الثور اليوم الجمعة 28 اغسطس 2020

الثور ♉

عندك علاقات وناس وحلول بالبيت ..
انت بيوم منيح وفي علاقات جديدة واجواء حلوة وتغييرات لصالحك وحلول بالبيت عندك وبدي منك تحاول تتحرر من القيود وتغير من حالتك للأفضل وبكون في افكار حلوة ومال وتغيير ايجابي ..
❤عاطفيا .. يوم منيح مشان هيك حاول ترجع علاقتك ببعض الأشخاص وتعامل بايجابية ..

توقعات برج الجوزاء اليوم الجمعة 28 اغسطس 2020

الجوزاء ♊

بتتحسن اوضاعك وفي مال ناطرك ..
يعني عم ترجع شوي شوي امورك أفضل وعم تحل مشاكل حصلت وفي اخبار بتدعمك ويمكن تحصل على مال فاستغل هالشي وحاول تهدي الأوضاع مع المحيطين فيك اذا بدك تستقر اكتر وتغير من حالتك ..
❤عاطفيا .. فكر صح لتحسم امورك ويوم في اجواء عاطفية حلوة ولازم تعرف شو بدك بعلاقتك وكيف تصل ..

توقعات برج السرطان اليوم الجمعة 28 اغسطس 2020

السرطان ♋

روق هاليوم مع المقربين وانتبه بعلاقاتك ..
يبدو هاليوم في قصص عم تصير عم تزعجك وخاصة مع المقربين والاخوة وكمان انتبه من الحوادث ولازم تهدي كتير مع عيلتك والناس المحيطة فيك ولازم الكل يفهمك صح وماحدا يحاول يستفزك هالفترة..
❤عاطفيا .. خفف حساسيتك لان فيك تبلش هالفترة تفكر تغير بعاطفتك ورغم التوتر في شي حلو ناطرك .

توقعات برج الاسد اليوم الجمعة 28 اغسطس 2020

الأسد ♌

انتبه لصحتك وعندك قصص كتير تعملها ..
يعني مابتعرف من وين بيطلعلك الشغل هاليوم ويمكن تراكمات انت كنت مأجلها وغير هيك لازم تراعي وضعك الصحي وفي قصص عم تشغلك بالبيت ويمكن يتحسن الوضع تدريجيا وخاصة ماليا ..
❤عاطفيا .. حاول ترتاح لأن انت بحاجة هاليوم لسند يدعمك ولازم الشريك يكون حدك بهيك يوم ..

توقعات برج العذراء اليوم الجمعة 28 اغسطس 2020

العذراء ♍

عندك حب كبير واوقات حلوة هاليوم ..
عم تتغير الأوضاع لصالحك هاليوم وعم تحصل على الحظ والطاقة والدعم المالي كمان فاطمن واستغل يومك لتحسن وضعك بالبيت وخود طاقة من الاطفال وفكر كيف تستغل فرصك وعلاقاتك كمان ..
❤عاطفيا .. في هدية ممكن تجيك والامور العاطفية عندك عم تتحسن بشكل كبير

توقعات برج الميزان اليوم الجمعة 28 اغسطس 2020

الميزان ♎

هدي الوضع بالبيت وانتبه لأهلك ..
مو على بعضك وكتير عم تدايق من تصرفات المقربين عندك وفي مواجهات مع الاهل حاول تتجنبها واهتم وانتبه لصحتة وصحتن وماتتعب حالك بسماع كلام المحيطين فيك وروق عقاريا وبالتغيير ..
❤عاطفيا .. يوم في قصص زاعجتك وبدي منك تكون رايق قد مافيك وخاصة انو في امور بالعلاقة بدها حل ..

توقعات برج العقرب اليوم الجمعة 28 اغسطس 2020

العقرب ♏

كتيرة علاقاتك واتصالاتك ويوم جيد ..
عم تقدر هاليوم تشوف وتحكي مع كتير أشخاص وعندك حضور حلو وعزايم ولقاءات وزيارات واجواء حلوة وحتى مع عيلتك وضعك جيد وفي شي عبر السوشل ميديا كمان جيد الك وانتبه من الحوادث ..
❤عاطفيا .. انت بيوم حلو وعندك اتصالات وفي نظرات اعجاب عم تزيد وعم تقدر تقنع الشريك بحبك ..

توقعات برج القوس اليوم الجمعة 28 اغسطس 2020

القوس ♐

استغل يومك وفي قصة مالية بتخص الاب ..
عم تفكر هالفترة بامورك المالية ويمكن عم تناقش مع المسؤولين عنك او مع الاب طرق جديدة لكسب المال من شهرة او شغل جديد او مشروع مهم او علاقات ولازم تعرف تستثمر هالفترة عندك ..
❤عاطفيا .. حاسس بملل وانت بوضع ماكتير مستقر ولازم تعرف كيف تكون مع الشخص المناسب الك بالحب ..

توقعات برج الجدي اليوم الجمعة 28 اغسطس 2020

الجدي ♑

وضعك عم يتغير وفي حلول وعلاقات ..
عندك يوم مميز بكل شي وعم تطلع وتشوف ناس جديدة وفي خيارات ونجاح عندك فاستغل هالشي ويمكن عم تفكر بسفر وبكون في احداث ايجابية وتغييرات لصالحك وبدايات جديدة بتدعمك ..
❤عاطفيا .. خليك رايق وبدي منك تعرف منيح شو بدك من علاقتك ويمكن تفكر بعلاقة حب جديدة ..

توقعات برج الدلو اليوم الجمعة 28 اغسطس 2020

الدلو ♒

انتبه ماليا وفكر بحلول ويمكن ماتكون راضي ..
من الأيام يلي فيها شوية مشاكل وقصص بتخص امور مالية او ماعم تلاقي حلول وعندك أوراق عم تتأجل ولازم تفكر بايجابية اكتر وتحاول تطلع من هالحالة وتأكد انو امورك رح تتحسن وحتى صحتك انشالله ..
❤عاطفيا .. مو مرتاح وعم يكون في احساس بالوحدة ولازم الشريك يفهمك ويكون حدك ويحاول يحسسك بمشاعر اكتر ..

توقعات برج الحوت اليوم الجمعة 28 اغسطس 2020

الحوت ♓

لقاءات وناس وشخص عم يساعدك ..
من الايام يلي فيها عزيمة او مشروع اجتماعي مع العيلة والناس يلي بتحبك وممكن مساعدة عم تجيك وعم تغير فيها من حالتك للافضل واستغل هي الحالة بشراكات شغل وكمان بعقود بتساعدك ..
❤عاطفيا .. بدي منك تروق ولازم هاليوم تحط حد فيه لمشاكل العلاقة وتكون اقرب من الشريك اذا بدك تستمر وارتباط للبعض