حكاية مرت علال
هادي حكاية مرأة علال
دخل الراجل للدار مرتاح البال
بدل القميجة و السروال
وقال لمراتو عندي ليك شلا مايتقال
حبساتو وقالت ليه شوف هاد الحال
نتا تخدم و تجمع المال
و أنا فالدار نربي فالعيال
نطيب المرقة نقلي الدنجال
تسالي الخدمة و تبقى فالقهوة قيال
ماتعيط في تيليفون ماتسال
كسوتي قميص و ذربال
نهار نڭوليك كسيني تشبعني دفال
و فالاخير تلوح ليا 400 ريال
و تقولي تشطري و سولي بشحال
************************
تقلقت المرة و قطعات الفلوس
و ڭعدت تنفض و تسوس
مشات للكوزينة و هزات موس
بدا الراجل يقفقف و يقول أش هاد النهار المنحوس
نخرج من الدار لا نولي مقيوس
سدات عليه مرتو و خلاتو محبوس
ما بقا عارف واش كايحلم ولا فكابوس
استسلم ولا يقبل فالريوس
يعنق و يزاوڭ و يبوس
كلامو حلا بعد ما كان مسوس
********************
شاف حتا عيا و خشا يدو فجيب
و قال ليها مالنا على هاد العيب
أنا راه راجلك الحبيب
ختاري شي محل يكون قريب
دورات الهضرة فراسها و هي تسيب
وداتو لأكبر محل فالمغرب
و قالت ليه شري ليا بحال كسوة مرة شكيب
ولا هاد الحيط عليك غايريب
ڭاليها هاداك را فالوزارة عندو منصب
أما أنا غير الما و الضو دارو ليا الشيب
عاد زيد الطحين و الزيت و الحليب
***********************
تعصب و الكسوة حلف هو لا شراها
سايفطها للدار و مشا وراها
فالطريق تلاقا مع باها
**************
وقاليه ياللاه معايا
نمسيو لواحد المحل حدايا
و خود لبنتك تريوكو و صاية
******************
علال نفسو حارة مارضاش
و تفكر حل مايتنساش
مشا يجري ل وفا كاش
****************
حذا الكريدي و مشا لواحد المحل
الناس فيه كانو قلال
و شرا لمرتو تريكو و سروال
*******************
رجع للدار و وراها اللبسة
ضحكت تا بانت ليها الضرسة
فرحت بزاف و مشات الفقسة