برجك اليوم الإثنين 29 يونيو
توقعات برج الحمل اليوم الاثنين 29 يونيو 2020
بـــــــــــ الحمل ـــــــــــرج
اليوم عم تمتلك قدرة على النقاش والحوار وعم تثبت وجودك وممكن تأثر برأيك على أحد الأشخاص المقربين ، الراحة النفسية الي عم تعيشها هالفترة عم تخليك تركز بمجال عملك اكتر من اي وقت مضى، ورح تكون حظوظك جيدة وعندك انفراج وحلول ببعض المواضيع الي كانت شاغلة تفكيرك وآخدة من وقتك ، ماليا عم تفكر بعدة مشاريع قيد التنفيذ للحصول على مصادر دخل إضافية
❤عاطفيــا”… عم تتأجج مشاعر المحبة بينك وبين الشريك وعم تحاول تكون قريب من تفكيره
توقعات برج الثور اليوم الاثنين 29 يونيو 2020
بـــــــــــ الثور ـــــــــــرج
انت من الاشخاص الي بتشتغل عالتفاصيل الصغيرة ، بنصحك تغير من طريقة عملك وتكون أكثر ديناميكة وحركة ومواكبة للتطور والتحديث ، رغم الضغوطات والمسؤوليات الي على عاتقك عندك العزيمة والاصرار لتنهي كل الاعمال الموكل بها ، عند المسا حاول تريح حالك لتقدر تجدد طاقتك ، ماليا عم تحتفظ بمبلغ من المال لوقت الحاجة لان المصروف كبير
❤عاطفيــا”… كل مابتشعر بالضيق بتلاقي الشريك جنبك وبمحبته الك بخفف عنك كل ما هو صعب
توقعات برج الجوزاء اليوم الاثنين 29 يونيو 2020
بـــــــــــ الجوزاء ـــــــــــرج
اليوم عم تكون أكثر حركة ونشاط استغل حظوظك وطاقتك بالامور المهنية لتحافظ على مكانتك بين الزملاء ، بتهتم بمظهرك الخارجي واطلالتك هالشي بينعكس على نفسيتك بشكل إيجابي ، عندك رغبة بزيادة التواصل الاجتماعي واوقات جيدة ومسلية برفقتهم ، ماليا ممكن حظوظك تساعدك للحصول على مكاسب مالية غير متوقعة
❤عاطفيــا”… عم تكون علاقتك مع الشريك أقوى وعم تخطط معه لبعض الامور المستقبلية
توقعات برج السرطان اليوم الاثنين 29 يونيو 2020
بـــــــــــ السرطان ـــــــــــرج
اليوم عم تكون طاقتك ايجابية عم تشعر بطمأنينة وراحة نفسية وممكن تسمع بأخبار تكون بوادر ايجابية لحلول وتجاوز عقبات قديمة او تعملك نقلة نوعية بحياتك ، اليوم عم تحاول تقوم ببعض التغييرات بحياتك الشخصية او بالمنزل ، ماليا عندك نفقات اضافية وعم تحاول تبذل مجهود عملي مضاعف لتقدر تغطي هالنفقات
❤عاطفيــا”… اليوم ممكن تطرأ عحياتك العاطفية بعض المستجدات الي رح تقوي العلاقة بينك وبين من تحب
توقعات برج الاسد اليوم الاثنين 29 يونيو 2020 ثابت الحسن
بـــــــــــ الاسد ـــــــــــرج
يومك مليء بالاحداث واللقاءات عم يكون وقتك مليان وماعم تشعر بالملل او الضجر ، بتوجه بعض التعليمات لزملاء العمل وممكن تتابع امورك المهنية عن بعد ، اليوم عم تعزز علاقتك مع شخص قريب منك وبيزداد تواصلك مع الاصدقاء الكترونيا ، عم تفكر بالسفر للاستجمام والراحة وكسب الطاقة الايجابية ، ماليا عندك اعادة حسابات مالية وممكن تحصل على ربح جيد
❤عاطفيــا”… طريقة معاملتك مع الشريك وتقبلك لآراءه وأفكاره عم تحافظ على علاقة مميزة
توقعات برج العذراء اليوم الاثنين 29 يونيو 2020 ثابت الحسن
بـــــــــــ العذراء ـــــــــــرج
عليك اليوم ان تتحلى بالصبر والهدوء ، بنصحك ماتتسرع باتخاذ القرارات وتأجل الامور المهمة حتى تكتمل الصورة بالنسبة الك ، عليك ان تكون اكثر اطلاع على التفاصيل حتى تقدر تقنص الفرص الانسب الك و تتجنب الوقوع بخسارة ، حاول تتجنب التواصل مع الاشخاص الي ماعندك ثقة فيون ، ماليا الحظ عم يدعمك ليكون عندك تحسن مالي او استرداد مال او تحصل على شيء ذو قيمة مفقود
❤عاطفيــا”… يوم جيد لتحسين العلاقة مع الشريك وفرص مناسبة للارتباط للعازبين
توقعات برج الميزان اليوم الاثنين 29 يونيو 2020
بـــــــــــ الميزان ـــــــــــرج
اليوم حظوظك ممتازة عم تزداد ثقتك بنفسك ، عم تلاقي الامور محلولة وعم تمشي متل مابدك ، عم تتوضح الامور قدامك بشكل افضل وعم تعرف كيف تتصرف بما يتناسب مع الظروف المحيطة ، عم تكون ايجابي بتعاملك مع المحيطين وخاصة افراد العائلة ، ماليا رغم ضغط المصاريف والالتزامات حظوظك المالية جيدة ومستقرة
❤عاطفيــا”… جاذبيتك عالية اليوم عم تزيد من محبة الشريك الك وعم تقدمله المساعدة ببعض الامور
توقعات برج العقرب اليوم الاثنين 29 يونيو 2020
بـــــــــــ العقرب ـــــــــــرج
اليوم مانك بأفضل حال عم تشعر بشيء من الحزن او الكآبة بنصحك ماتسترجع الماضي وتعامل مع الواقع برضا ، لاتسمح لمزاجك يأثر على عملك وحاول تقوم بالاشياء المهمة وأجل الغير ضروري حتى تاخد قسط من الراحة وتجدد طاقتك وحيويتك ، عند المسا عم تميل للعزلة وعم تفكر باكتر من موضوع شاغل بالك ، ماليا لازم تعيد حساباتك وتعرف شو الك وشو عليك وتسدد التزاماتك الضرورية
❤عاطفيــا”… انتبه من ردودك مع الشريك ممكن تخلق بعض الخلافات او الشحنات السلبية معه
توقعات برج القوس اليوم الاثنين 29 يونيو 2020
بــــــــــ القوس ـــــــــــرج
يومك جيد بشكل عام عم تتعاون مع زملاء العمل وعم تحقق نتائج مرضية ، بتنشط على الصعيد الاجتماعي وعم تتواصل مع الاصدقاء والمقربين ، بعد الضهر ممكن تقوم ببعض النشاطات الي عم تزيد من طاقتك الايجابية ، عندك اخبار جيدة رح تفرحك ، ماليا عليك ان تكون اكثر حرص وتدبير حتى ماتوقع بضيق مادي
❤عاطفيــا”… مشاعر محبة واهتمام متبادلة بينك وبين الشريك
توقعات برج الجدي اليوم الاثنين 29 يونيو 2020
بـــــــــــ الجدي ـــــــــــرج
رغم الضغوطات وكثرة المسؤوليات عم تقدر توازن بين واجباتك المهنية والمهام او المساعدات المطلوبة منك ، عم تحاول تبذل جهدك وتقدم افضل ماعندك لكن ماعم توصل للمكانة الي بترغب فيها او بتستحقها لكن مع الوقت رح تلاقي النتيجة، عندك تواصل مع اشخاص لهم مكانة وشأن ، ماليا عم تشعر بالقلق رغم حصولك على مدخول جيد الا ان نفقاتك المعيشية عم تكون اكبر
❤عاطفيــا”… لاتخرب علاقتك مع الشريك بسبب بعض الامور الصغيرة او المشاكل الخارجية
توقعات برج الدلو اليوم الاثنين 29 يونيو 2020
بـــــــــــ الدلو ـــــــــــرج
مريت بفترة ضاغطة وظروف صعبة لكن بقناعتك وتأقلمك مع الواقع عم تقدر تتجاوز فترة صعبة والحظوظ رح تنفتح امامك، عندك متابعة لاوراق رسمية او قانونية ورح تكون راضٍ عن مجريات الامور ، بتزيد من اهتمامك بالامور العلمية والمعرفية وبتحاول تبتعد غن اي توتر او مشاكل محيطة ، ماليا مال داخل وخارج من ايدك بنفس الوقت
❤عاطفيــا”… عم تكون اكثر تفاهم ومصارحة مع الشريك هالشي عم يعزز العلاقة بينكما وممكن فرصة للعازبين للتعرف او الدخول بعلاقة
توقعات برج الحوت اليوم الاثنين 29 يونيو 2020
بـــــــــــ الحوت ـــــــــــرج
اليوم عم تكون نشيط وطاقتك عم تساعدك لإنهاء اعمالك بأقصر وقت ممكن ، من بعد الضهر رح يكون عندك اوقات فراغ ممكن تقوم ببعض النشاطات المفضلة او تقوم بزيارة احد الاصدقاء ، ممكن تسمع بعض الكلام وتتعرض لسوء تفاهم ، لهيك بنصحك تكون اكثر شفافية وليونة وما تعطي المواضيع اكتر من حجمها، ماليا عم تعيد حساباتك المالية وممكن يوصلك مبلغ من المال غير متوقع
❤عاطفيــا”… عليك ان تراعي الظروف الي عم يمر فيها الشريك وتدعمه وتستوعبه